Banner

دارمان مړی

21.10.2007 20:14

د ارمان مړی ګرځومه د ژړا لپاره
لاس قدرې نه پورته کوي څوک د دعا لپاره
دلته ډېر خلک شته چې ساندو نه هم خوند اخلي
دلته ډېر خلک دي تل ژاړي د بل  چا لپاره
د دعا لپې مې هم ډکې کړې په سپينو اوښکو
سترګو کې نورې اوښکې نه لرمه ستا لپاره
هاغه سړی مې په قسم خوب کې جنت کې وليد
هغه چې خپل ځان يې وژلی و اشنا لپاره
خدای خبر څنګ شپه وه سپوږمۍ ستوري اسمان کې نه وو
له مجبورۍ مې زړه لمبه کړو د رڼا لپاره
د غره له بېخه مو ټوټې ټوټې پر شا راوړی
ها مسافر چې ځای کتلو د بېګا لپاره
د ارمانونو پنډ په شا د مرګ تر کلي لاړو
په توره شپه له کوره ووت سپين سبا لپاره
پس له هغې به په سړه سينه له کوره وتم
چې خوږې مور به مې لاس لپه کړل دعا لپاره
سر ټيټولو ته پښتون فطرت پر ېنښودمه
لاس مې تر زنې ځکه وروړ د خندا لپاره.

 


ستاسو تبصره


لطفاً لاندې افغانستان په انګليسي تورو وليکئ.